ភ្នំពេញ: សម្ដេចនាយករដ្ឋមន្រ្តី ហ៊ុន សែន កំពុងប្រើពេលវេលាដ៏មានសារៈប្រយោជន៍នៃកំឡុងពេលធ្វើចត្តាឡីស័ក បន្ទាប់ពីបានប៉ះពាល់ដោយប្រយោលជាមួយអ្នកជំងឺកូវីដ-១៩ កាលពីសប្តាហ៍មុន។
សម្ដេចនាយករដ្ឋមន្រ្តី ហ៊ុន សែន បានបង្ហោះចែករំលែករូបភាពខ្លះៗលើគេហទំព័រហ្វេសបុកពីរបៀបដែលសម្ដេចកំពុងចំណាយពេលវេលានៃកំឡុងពេលធ្វើចត្តាឡីស័ក។
សម្ដេចតេជោបានបង្ហោះក្នុងហ្វេសបុកផ្លូវការថា ថ្ងៃនេះជាថ្ងៃទី៧នៃការធ្វើចត្តាឡីសក័របស់ខ្ញុំ។ ការធ្វើចត្តាឡីស័កលើកនេះចំពេលបាល់ទាត់អឺរ៉ុប។យប់មើលបាល់ ពេលព្រឹកធ្វើការ ពេលល្ងាចហាត់ប្រាណដោយការធាក់កង់។ជារៀងរាល់ថ្ងៃខ្ញុំធាក់កង់រយៈពេល៨០ ទៅ ១២០នាទី។ ក្នុងរយៈពេលនៃការធ្វើចត្តាឡីសក័ខ្ញុំមិនអាចចេញពីផ្ទះទៅវាយកូនគោលបានទេដូចនេះការហាត់ប្រាណដោយការធាក់កង់ជាជម្រើសដ៏ល្អសម្រាប់ខ្ញុំ។
ជូនពរបងប្អូនជនរួមជាតិជួបតែសេចក្តីសុខសេចក្តីចម្រើន៕
